ཐབས་ཤེས་མི་འདུག
མཛེས་པའི་རིག་འཛིན་དབང་མོ།
ཚེ་གང་གཏན་གྲོགས་འདོད་ཀྱང་།
ལས་ལ་བསྐོས་པ་མེད་ན།
སྣང་བ་གང་ཤར་མི་འདུག
དྲིན་ཆེན་ཕ་མ་གཉིས་པོ།
གཏན་དུ་བཞུགས་ན་བསམས་ཀྱང་།
མི་རྟག་འཁོར་བའི་ཆོས་ཉིད།
བཅོས་ཐབས་ང་ལ་མི་འདུག
ན་མོ་མཛེས་མ་ཁྱེད་ལ།
ལྷད་མེད་བརྩེ་སེམས་བཅངས་ཀྱང་།
ཁྱེད་རང་གཞན་ལ་ཕྱོགས་ན།
འགོག་པའི་ཐབས་ཤེས་མི་འདུག
འཁོར་བའི་འཆིང་ལས་ཐར་བར།
ཆོས་ལ་ཞུགས་འདོད་ཡོད་ཀྱང་།
ཉོན་མོངས་དུག་གིས་བསྒྲིབས་པས།
ཐབས་ཤེས་ང་ལ་མི་འདུག
འཛམ་གླིང་ས་ཕྱོགས་གང་སར།
འཁྱམ་ཉུལ་བྱེད་འདོད་ཡོད་ཀྱང་།
སྦ་ཁུག་སྟོང་པ་ཡིན་ན།
བསམ་རྒྱུ་དེ་ལས་མི་འདུག
ལོ་རིམ་དང་པོར་ནང་ཆོས་འཛིན་གྲྭར་བྲིས།
No comments:
Post a Comment