སང་ཉིན་ཟེར་བ་སླེབས་རྒྱུ་མེད་པ།
སང་ཉིན་ཟེར་བར་མཐའ་ཞིག་མེད་མོད། །
སྐྱེ་བོ་ཀུན་གྱི་རེ་བ་བཅོལ་ས། །
མངོན་རྒྱུ་མེད་པའི་སང་ཉིན་དེ་རེད། །
སང་ཉིན་སང་ཉིན་མ་འོངས་སྐད་ཆ། །
སང་ཉིན་གང་ཡོང་སུས་ཀྱང་མ་རྟོགས། །
སང་ཉིན་ང་ཚོའི་ལག་ཏུ་མེད་ཀྱང་། །
གང་བྱས་ཆ་ཚང་སང་ཉིན་ཆེད་དུ། །
ང་ཚོའི་ལག་ཏུ་ཡོད་པ་དེ་ནི། །
དངོས་སུ་འགྲོ་བཞིན་ཡོད་པའི་ད་ལྟ། །
ད་ལྟའི་དུས་འདི་ལེགས་པར་བཀོལ་ན། །
མ་འོངས་མེད་ཀྱང་ད་ལྟ་འགྱོད་མེད། །
ད་ལྟ་ཡོད་ཀྱང་སང་ཉིན་མེད་སྲིད། །
ད་ལྟ་གསོན་ཀྱང་སང་ཉིན་འཆི་སྲིད། །
སང་ཉིན་འགྱུར་བའི་རང་དབང་མེད་ཀྱང་། །
ད་ལྟ་བཅོས་རྒྱུ་སྒེར་ལ་དབང་ཡོད། །
༢༠༢༤-༣-༡༡ཉིན་ནང་ཆོས་འཛིན་གྲྭར།
No comments:
Post a Comment